بوسة

و الله أنا مش عارف
يعني أنا مزاجي متقلب أكتر من الله شخصيا
المهم…… راح أحكي القصة


أنا يا شباب بدرس في برطانيا و خلصت و زي ما أنا خلصت
في ناس خلصت و كان من هادول بنت


في البداية معرفتي فيها كانت باردة لأنو مكنتش عارف أصنفها سخيفة و لا ساذجة
المهم بعد عدة مشادات علي مناقشات علي مناسبات خلصت السنة
و علي المحطة لما كانت حتسافر كنت هناك
و شوهت هي إغنية ولا إتنين لفيروز و أنا دخنت ما يفترض إنو سيجارتي الأخيرة
و لما كان الباص خطر علي بالي إني مفروض أبوسها علي خدها
حكيت لحالي شو مالك مكبر القصة أول مرة تبوس مع السلامة؟؟؟
هي كانت بودية مبالغ فيها بتنهي طقوس السلام
و أنا كل اللي بفكر فيه البوسة علي الخد
فجأة صارت التفاصيل معقدة
علي أي خد …. طيب هلء و لا بس يوقف الباص
مش فاكر أخر الكلمات كانت فيها بسمات كتير و هز راس و أنشاللهات
لكن اللي فاكره منيح أني مديت يدي علي طولها
و سلمت زي ضابط عسكري بيستلم وسام ما
حتي الإبتسامة ألغيتها و حطيت السيجارة بتمي
المشكلة هي كنت مستني نظرة يكون فيها رسالة ما لكن بح … الرقم المطلوب خارج نطاق التغطية

علي أي حال …..الأن مش قادر أصنفها سخيفة و لا ساذجة
بس لما أفتكر هديك اللحظة بسأل نفسي و لك ليش ما بوستها ؟؟

أنا شخص مزاجي أكتر من الله شخصيا

Leave a Reply

Your email address will not be published. Required fields are marked *