…… و لكن

عزيزتي الموضوع وثيق الصلة بالعفن إن لم يكن هو ذاك

الرؤية واضحة بحسب المستوي فما تراه حقيقي في مستواك يكون هبلا في مستوي أخر فلا تنظري في غير مستواك

صاحبة الرداء الأكثر حشمة هي الأكثر شبقا كما حكت لي التجربة فحتشمي بدلال

إحم مين إبن الكلب اللي جاب سيرة الزواج عم بحكيك عن العفن تقومي تقولي لي زواج بعصت القعدة

إنتظري و لا تغضبي …. بتعرفي محمد شكري

هاد واحد صاحبي حكي مرة في واحد من كتبه لا أريد أن أكره إمرأة صباحا لتكرهني مساءا لذلك أحب الغانيات أو قال شئ من هذا القبيل

و لك مالك اليوم عم تفهمي بالمقلوب أنا حكيت إنك غانية

هاد محمد شكري يا تحفة اللي بيحكي و بعدين إنت المرأة اللي في السياق المرأة اللي مابديش أكرهها و لا تكرهني و بعدين مالهم الغانيات لو كنا في عصر أخر و مكان أخر لكان البغاء يسمي بخدمة المعبد

ولك ليش مصرة تقومي زعلانة إستني شوي

أنا اللي ملخبطك ؟؟؟!! أنا كنت جاي اليوم أشرب قهوة و أتفلسف شوي و لو في بوسة مع السلامة بعد القعدة يكون تمام إنت اللي أنا بحكيلها عن العفن تحكي لي عن الزواج

يا ست لا يفكر في الزواج طفل و أنا شديد الأنانية كطفل و بعدين أنا لم أكن أدري إننا في علاقة علشان أفكر في الزواج … لتكوني ملخبطة بيني و بين حدا تاني

يا عزيزتي إجلسي فضحتينا في أم القعدة و خلينا نحكي في أشياء مملة بعيدة الإنتفاضة مثلا إنت بتحبي تحكي عن الإنتفاضة و أمور لها علاقة بالبطيخ

الإنتفاضة و الزباتسا و شافيز و كاسترو علي راسي … بس إقعدي شو مالك اليوم ليكون عندك الدورة ؟؟!!

عندها تدفق كمية لا بأس بها من الماء إلي وجههي منطلقا من كاسة كانت بيدها في لحظة ما، و ما أن إنتهيت من الشهقة حتي سمعتها تقول عندما تنضج و تكف عن الفذلكة أتصل بي ثم غادرت

قلت بهدوء و بالإنجليزية

DEAR YOU WILL WAIT FOR A VERY LONG TIME

مسحت الماء و طلبت الحساب غادرت المقهي مع إحساس خفيف بالإنتعاش و تدور في بالي أغنية لزياد رحباني لما كان قاعد مع واحدة في مقهي و هو بيحكي من الأفضل إنك تحتشمي